Şimali Atlantik alyansına daxil olan 28 ölkənin müdafiə nazirləri kiberhücumları dərhal dəf etmək qabiliyətinə malik olan təyinatlılar hazırlamaq qərarına gəlmişlər. NATO kompüter infrastukturunu mühafizə etmək qabiliyyətinə malik olan kiber təhlükəsizlik təyinatlıları bu ilin oktyabr ayına kimi hazır olacaq. NATO baş katibi Anders Foq Rasmusenin (Anders Fogh Rasmussen) sözlərinə görə keçən il ərzində alyans 2500 dəfə kiber hücuma məruz qalmışdır. Kasperski laboratoriyasının mütəxəssislərinin sözlərinə görə 40 ölkəni əhatə edən 350 kompüter sistemindən ibarət casus şəbəkəsi aşkarlanmışdır. NetTraveler şəbəkəsindən istifadə etməklə Monqolustan, Rusiya, Hindistan, Qazaxstan, Qırğızıstan, Çin və digər ölkələrin dövlət strukturları, hərbi və elmi təşkilatları, şəxsi təşkilatları nəzarətdə saxlanılmışdır. Casus şəbəkəsi NetTraveler şəbəkəsindəki mövcud boşluqdan yararlanaraq 2004-cü ildə yaradılmışdır. Kibercinayətkarlar 22 Gb həcmində kosmosun fəthi, nanotexnologiyalar, enerji, tibb və telekommunikasiyalar barədə məlumatları ələ keçirə bilmişlər.
Mənbə: www.trud.ru
