BBC Nyus (BBC News) verdiyi xəbərə görə, HAMAS döyüşçüləri israil hərbçilərinin telefonlarını ələ keçirərək onları izləmək üçün qəşəng qız profilləri ilə yalançı hesablar əsasında işləyən mobil telefon əlavəsi yaradıblar.
Fələstin islam hərəkatının üzvləri sosial şəbəkələrdən ixtiyari qız şəkillərini götürərək onların yalançı profillərini yaratmışlar. İsrail əsgərləri bu yalançı profillərlə video çata girmək istədikdə onların telefonlarına virusla yoluxdurulmuş mobil əlavə yüklənmişdir. Mobil əlavə telefona yükləndikdən sonra telefonun mikrafonu və kamerasına nəzarət hakerlərin əlinə keçmişdir.
Onlarla israil əsgəri bu virusa yoluxmuş mobil əlavəni öz telefonlarına yükləmişlər. İsrail ordusunun nümayəndəsi hakerlər tərəfindən vacib məlumatların oğurlanması faktını təkzib etmişdir. Yüksək rütbəli hərbçilərin mobil qurğularını virusa yoluxdurmağa çalışan hakerlər öz istəklərinə nail ola bilməmişlər.
Mənbə: www.bbc.com
