Mobil telefonların yerini təyin etməyə xidmət göstərən mSpy şirkəti haker hücumuna məruz qalıb. Xidmətdən istifadə edən iki milyondan çox insanın fərdi məlumatları oğurlanıb.
Keçən həftə oğurlanmış məlumat bazası gözəgörünməyən şəbəkədə (invisible web) yerləşdirilib. Oğurlanmış məlumatlar arasında elektron məktublar, ismarıcların mətni, ödənişlər və mSpy istifadəçilərinin yeri barədə informasiyalar vardır.
İnternet təhlükəsizliyi üzrə mütəxəssis Brayan Krebs anonim mənbədən Tor şəbəkəsində yerləşən məlumatlara keçid almışdır. Krebs səhifədə bir neçə yüz qiqabayta yaxın məlumatı aşkarlamışdır. Cinayətkarlar tərəfindən yerləşdirilmiş xəbərdə, onların 400 min istifadəçinin hesabına daxil ola bilmələri və onlara məxsus Apple ID, 145 min tranzaksiya, istifadəçilərin yerləşdiyi yer barədə məlumatlara sahib olduqları qeyd edilir.
Krebs tərəfindən 2015-ci ilin mart ayında şirkətə verilən sorğuya cavab olaraq bildirilib ki, mSpy xidmətinin 40 % istifadəçiləri əsasən valideynlərdir və onlar uşaqlarının harada olduqları ilə xidmət vasitəsilə maraqlanırlar.
Mənbə: www.securitylab.ru
