Microsoft şirkəti öz texniki bloqunda sonuncu Windows 10 – Project Spartan brovserində səhvlərin aşkarlanması üçün mükafat proqramının işə düşdüyü barədə xəbər yaymışdır. Mükafatın maliyyə miqdarı 15 min ABŞ dollara kimi artmaq ehtimalı var.
Əvvəlki proqramlarda olduğu kimi, mütəxəssislər şirkət tərəfindən hazırlanmış proqram təminatında boşluqları və səhvləri aşkarlamalıdırlar. Project Spartan Microsoft şirkəti tərəfindən hazırlanan brovserin sonuncu versiyasıdır və Windows 10 əməliyyat sistemində istifadəçilərə təqdim ediləcəkdir. Proqram iştirakçıları üç ay ərzində brovserdə boşluqları aşkarlayaraq Microsoft şirkətinə xəbər verməlidirlər.
2013-cü ildə Google şirkətinin əməkdaşları Explorer 11 brovserində boşluq aşkarlayaraq Microsoft şirkəti tərəfindən 11 min ABŞ dolları miqdarında mükafat əldə etmişdilər.
Bu dəfə mükafatın minimal məbləği 500 ABŞ dolları, maksimum məbləğ isə 15 min ABŞ dolları təyin edilmişdir.
Project Spartan üçün mükafatlandırma proqramı 22 aprel 2015-ci ildə başlamış 22 iyul 2015-ci il tarixinə kimi davam edəcəkdir. Yeni brovserin reliz tarixi kimi bu ilin yay ayları göstərilir. Windows 7, 8 və 8,1 əməliyyat sisteminin istifadəçiləri brovserlərini pulsuz yeniləyə biləcəklər.
Mənbə: securitylab.ru
