F-Secure təhlükəsizlik şirkətinin mütəxəssisləri Britaniya İnformasiya Təhlükəsizliyi İnstitutut və İnformasiya təhlükəsizliyi üzrə alman şirkəti SySS birgə araşdırma apararaq adi istifadəçilərin təhlükəli olsada pulsuz hotspot internetinə qoşulmasını izləyiblər.
Sınaq üçün SySS şirkəti Londonun mərkəzində pulsuz WiFi girişi quraşdırmışdır. 30 dəqiqə ərzində hotspota 250 qurğu qoşulmuçdur. Əksər qoşulmalar avtomatik baş verdiyindən qurğuların sahiblərinin bu barədə xəbəri olmamışdır. 33 qurğu WiFi vasitəsilə bütün trafiki o cümlədən axtarış sorğularını və elektron poçt məlumatları ötürməyə başlamışdır. 30 dəqiqə ərzində mütəxəssislər 32 meqabayt verilənlər əldə edə bilmişlər (bütün məlumatlar sonradan mütəxəssislər tərəfindən silinib).
Çox maraqlıdır ki, mütəxəssislər elektron poçşt məlumatlarının şifrələmədən göndərildiyinin şahidi olmuşlar. Bu zaman göndərilən məktubların məzmunu, göndərilən ünvan və hətta elektron poçtun parolu mütəxəssislərə məlum olub.
“Biz hamımız pulsuz WiFi istifadə etməyi xoşlayırıq, bu yolla biz rouminqdə məlumatların ötürülməsində qənaət edə bilirik” — Şon Sallivan (Sean Sullivan), sınaqlarda iştirak edən F-Secure təhlükəsilzik şirkətinin mütəxəssisi bu barədə söyləmişdir. Ancaq sınaq göstərir ki, hotspot internetə qoşulan istifadəçi çox asanlıqla izlənilə bilir. Mütəxəssisin sözlərinə görə bu yolla dələduzlar çox asanlıqla istifadəçilərin fərdi məlumatlarını ələ keçirə bilərlər.
Mənbə: xakep.ru
