Twitter sosial şəbəkəsi servisdə boşluqlar aşkarlamış istifadəçiləri həvəsləndirmək üçün mükafatlandıracaq.
İyun ayında Twitter boşluqların axtarışı üçün HackerOne kampaniyasını işə salmışdır. Hazırda istifadəçilər tərəfindən boşluq barədə 44 hesabat mövcuddur. Bu hesabatlara görə heç bir istifadəçi hələ mükafat almayıb.
HackerOne səhifəsində Twitter inzibatçıları tərəfindən yerləşdirilən xəbərə görə şirkət boşluq tapmış hər bir istifadəçiyə mükafat verilməsinin məqsədəuyğunluğunu müəyyənləşdirəcəkdir. Mükafatın məbləğı aşkarlanmış boşluğun təhlükəlilik dərəcəsindən asılı olacaqdır. Twitter nümayəndələri mükafatın maksimal həddi barədə məlumat verməsələrdə istifadəçilər 140 ABŞ dolları minimal məbləğinni əldə edə bilərlər.
Müqayisə üçün deyək ki, Google şirkəti bu yaxınlarda Google Chrome brauzerində aşkarlanmış boşluq müqabilində hakerə 30000 ABŞ dolları ödəmişdir.
Mənbə: hackerone.com
