IVPN.net servis provayderi yeni Internet Censorship Around The World interaktiv xidməti təqdim etmişdir. İnteraktiv xəritə vasitəsilə dünyada hansı ölkələrin internetə qoyduğu senzuralar qeyd edilmişdir.
İnteraktiv xəritə hazırlanarkən ölkələrdəki internetə olan senzura bir sıra meyarlarla araşdırılmışdır. Əsas olaraq 4 meyar üzrə: “İnsan haqqlarının pozulması”, “Şəbəkədə azadlıq”, “Daxilolmaya qadağalar” və “Məzmuna qoyulmuş məhdudiyyətlər” seçilib.
Xəritəyə əsasən insan haqqları ən çox Çində pozulur bu meyar üzrə 40 baldan 38 bal toplanmışdır. Daxilolmalara qadağalar ən çox Kubada qeydə alınıb (25 baldan 24 bal). Məzmuna qoyulmuş məhdudiyyətlət İran dövlətində qeydə alınıb – 35 mümkün baldan 32.
Internet Censorship Around The World xəritəsinə əsasən Rusiyada internet tam azad deyildir. Qonşumuz “İnsan haqqlarının pozulması” meyarında 40 mümkün baldan 25 bal, “Məzmuna qoyulmuş məhdudiyyətlər” meyarında 35 mümkün baldan 19 bal toplamışdır.
Xəritədən görünür ki, Azərbaycanın internet senzura bağlı problemi mövcuddur. Ölkəmiz “İnsan haqqlarının pozulması” meyarında 40 mümkün baldan 22 bal, “Məzmuna qoyulmuş məhdudiyyətlər” meyarında 35 mümkün baldan 17 bal toplamışdır.
İnteraktiv xəritə ilə yaxından tanış ola bilərsiniz.
Mənbə: www.ivpn.net
