İnternetdən fərdi kompüterə virus düşməsi üçün artıq ziyanverici səhifələrə girmək vacib deyildir. Hakerlər YouTube və Microsoft Live trafikini modifikasiya edərək fərdi kompüterlərə casus proqram təminatı yükləməyi bacarırlar.

Citizen Lab laboratoriyası öz yeni hesabatlarında ziyanverici proqram təminatının yayılması barədə yazmışlar. Araşdırmaçılar güman edir ki, casus proqram təminatının yayılması üçün Hacking Team şirkəti Mərakeş və BƏƏ dövlətlərindən sifariş almışdır. Eləcədə bu tip izləmə metodu ilə ABŞ, Böyük Britaniya, Rusiya, Çin və İzrail məşğul olur.

Bu tip izlənmənin qarşısını almaq üçün şifrəli HTTPS protokolundan istifadə edilməlidir. HTTPS protokolu server ilə fərdi kompüter arasındakı verilənləri şifrələyir. Google şirkəti bu protokoldan istifadə edərək axtarış sorğularını və onların nəticələrini şifrələyir. Ancaq YouTube hələ də qabaqcıl şifrələmə metodlarından istifadə etmir.

Mənbə: www.theverge.com