Facebook sosial şəbəkəsində istifadəçilərə rəngləri dəyişməyə kömək edən proqram təminatı ziyanverici kimi aşkarlanıb. Bu barədə PC Magazine jurnalında Cheetah Mobile çin mütəxəssislərinə istinadən xəbər dərc edilmişdir.
Facebook Color Changer proqramı guya istifadəçilərə Facebook səhifələrinin ənənəvi mavi rəngini ixtirayi rəngə çevirməyə kömək edəcəyini vəd edirdi. Əslində bu proqram təminatı yükləndikdən sonra istifadəçini fişinq saytlara yönəltməklə məşğul imiş. Mütəxəssisin sözlərinə görə bütün dünyada artıq 10 mindən çox istifadəçi proqramın qurbanına çevrilib.
“Cheetah Mobile aşkarlamışdır ki, Facebook platformasındakı boşluqdan istifadə edən cinayətkarlar yazdıqları proqram təminatı ilə istifadəçiləri ziyanverici fişinq saytlarına yönəldə biliblər”, – şirkətin bloqunda belə yazılıb.
Ziyanverici proqram təminatı 2 gün ərzində yayılmışdır. Əvvəlcə proqram istifadəşiyə Facebook səhifəsini dəyişmək üçün yardımçı videoya baxmağı tövsiyyə edir. Əgər istifadəçi videoya baxırsa bu zaman onun hesabı və onun dostlarının siyahısı cinayətkarların əlinə keçir.
Əgər istifadəçi videoya baxmaq istəməzsə, ziyanverici proqram təminatı istifadəçini proqramı yükləməyə məcbur edir və onun dostlarının vasitəsilə Facebook sosial şəbəkəsində yayılmağa çalışır.
“İstifadəçi bu ziyanverici proqram təminatı ilə fərdi kompüterində rastlaşan zaman, proqram təminatı onu porno kontentli videopalyer yüklənən səhifəyə yönəldir. Android – qurğularda proqram qurğunun ziyanvericyə yoluxduğu barədə xəbərdarlıq etməklə, istifadəçiyə əlavə proqram yüklənməsini təklif edir”, – Cheetah Mobile şirkətindən bu barədə izah verilmişdir.
Əgər istifadəçi bir neçə addım atarsa bu ziyanvericidən öz fərdi qurğularını xilas edə bilər. Əgər qurğuda bu video izlənibsə, əlavə yüklənmiş proqramları silmək və Facebook hesabının parolunu mütləq dəyişmək lazımdır.
Mənbə: lenta.ru
