Hakerlər nəhəng onlayn alqı satqı meydançası eBay serverindən verilənlər bazasını oğurlaya bilmişlər. Cinayətkarların əlinə şifrələnmiş parollar və digər fərdi məlumatar keçə bilib. Bu barədə eBay rəsmi xəbərində qeyd edilib.
Yaxın vaxtlarda eBay istifadəçilərdən öz hesablarının parollarını dəyişmələrini xahiş edəcəkdir. Xəbərdarlıq eBay saytında dərc ediləcək və istifadəçilərə elektron şəkildə çatdırılacaqdır.
Verilənlər bazasının oğurluğu cari ilin fevralın sonu martın əvvəlində baş vermişdir. Bazada eBay istifadəçilərinin adı, şifrələnmiş halda parolları, elektron poçt ünvanları, fiziki ünvanları, telefon nömrələri və doğum tarixlərinin olduğu məlumdur. Bazanın cinayətkarların əlinə keçdiyi iki həftə əvvəl, bazanın kiberhücumla ələ keçirildiyi bu yaxınlarda məlum olmuşdur.
Maliyyə informasiyaları, istifadəçilərin kart məlumatları ələ keçirilmiş bazada yoxdur. eBay xatırladır ki, maliyyə informasiyaları şifrələnmiş şəkildə digər verilənlər bazasında yerləşir.
Şirkət baza oğurlandıqdan sonra istifadəçilərin hesabı vasitəsilə hər hansı fırıldaq hadisəsi aşkarlamayıb. Bundan əlavə eBay təsdiq edir ki, hakerlər istifadəçilərə məxsus PayPal informasiyalarını ələ keçirə bilməyiblər.
Şirkət hüquq mühafizə orqanlarının mütəxəssisləri ilə birgə baş vermiş hadisəni araşdırır. Eləcədə gələcəkdə bu tip hadisələrin baş verməməsi üçün təhlükəsizlik addımları atmağı planlaşdırır.
Mənbə: lenta.ru
