The Register nəşrinin verdiyi xəbərə görə, britaniya hüquq mühafizə orqanları Barclays bankından oğurluq etmiş bir qrup cinayətkarı həbs edə bilib. Cinayətkarlar 3G modemi və 15 ABŞ dolları qiymətində olan KVM dəyişdirici vasitəsilə müştərilərin hesablarından 2 milyondan çox ABŞ dolları oğurlaya biliblər. KVM dəyişdirici qurğusu klaviatura, siçan qurğusu və videonu bir neçə kompüteri birləşdirmək üçün nəzərdə tutulub. Bu qurğu cinayətkar dəstə tərəfindən gizli şəkildə iki london bölməsi kompüterlərində quraşdırılmış və onlara kənardan kompüterlərə nəzarət imkanı yaratmışdır. Cinayətkarlar Barclays müştərilərinin tranzaksiyalarında və hesablarında dəyişiklik etməklə külli miqdarda ziyan vura bilmişlər.
Oğurluq nəticəsində pullar yüzlərlə yalançı hesablara köçürülmüş və sonradan cinayətkarların cəlb etdiyi təsadüfü şəxslər tərəfindən nağdlaşdırılmışdır.
Eyni əməli cinayətkar dəstə Santander bankının filialındada həyata keçirmək istəsələr də əməliyyat uğursuz başa çatmışdır.
Hüquq mühafizə orqanlarından verilən xəbərə görə cinayət hadisəsi keçən ilin aprel ayında baş vermişdir. O vaxt dəstənin bir üzvü 34 yaşlı Darix Boldor (Darius Boldor) özünü bankın IT işçisi kimi təqdim edərək 3G-modemi və KVM-dəyişdirici qurğunu ofisin kompüterlərinə quraşdıra bilmişdir. Cinayəti törətmiş şəxslər 24 il azadlıqdan məhrum edilib.
Mənbə: www.securitylab.ru
