Rusiya kibercinayətkarları tərəfindən yayıldığı ehtimal olunan SMS AndroidOS Stealer.a ziyanverici proqram təminatı Azərbaycan, Belçika, Fransa, Latviya, Litva, Ukrayna. Belarusiya, Qırğızıstan və Qazaxıstan da daxil olmaqla, bir sıra ölkələrdə Android qurğusu istifadəçilərini hədəfə almışdır. Kibercinayətkarlar bu ziyanverici proqramı qanuni Android apps-ı kimi yayırlar. C&C serverə qoşulmaqla, bu ziyanverici proqram veriləcək əmrlərə tam hazır olur. Bununla da, kibercinayətkar serveri dəyişə, mesajlar göndərə, daxil olan mesajları silə, telefona müxtəlif tətbiq və informasiyalar yükləyə, telefondakı mesajları oxuya və ya qurğuda mövcud olan müxtəlif proqramları silə bilərlər.
Bu təhlükə haqqında ən maraqlısı odur ki, konfiqurasiya faylı başqa bir yerdə onlayn saxlanılmaq əvəzinə ziyanverici proqramla birgə yerləşir. Bu da troyana internetlə bağlantısı olmadığı təqdirdə belə fəaliyyətə keçməsinə imkan yaradır.
Nəticədə, troyana yoluxmuş Android qurğusu vasitəsilə qurğunun coğrafi koordinatları müəyyənləşdirilə, istifadəçinin məlumatı olmadan müəyyən nömrələrə mesajlar göndərilə, debug-ı aktivləşdirilə və ya deaktiv edilə, müxtəlif proqramlar yüklənilə və qurğuda olan bir sıra proqramları silinə bilər.
Mənbə: cert.az
