RBK xəbər agentliyi Rusiya DİN mətbuat xidmətinə əsasən, Moskva Lyublinski məhkəməsinin Carberp botneti və virusun yaradıcılarını 5 və 8 il cəzalandırdığı barədə xəbər yaymışdır.
Hüquq mühafizə orqanları bildirirlər ki, cinayətkarlar Moskva sakinləri olub 1983 və 1986 təvəllüdlü doğma qardaşlardır. Onlar cinayət fəaliyyətinə 2011-ci ildə başlamışlar.
“Onlar böyük təşkilatların “Bank-müştəri” sistemi ilə işləyən personal kompüterlərinə tam giriş əldə edə bilmişlər” – məhkəmənin hökmündə belə deyilir. Kompüterlərə gizli uzaqdan qoşulma vasitsəsilə daxil olan cinayətkarlar qeyri qanuni olaraq hesabdakı pulları özlərinin qabaqcadan açdıqları şəxsi hesablara köçürə bilmişlər.
Məhkəmə sənədlərindən məlum olur ki, qurbanların pulları bir neçə bank əməliyyatları vasitəsilə cinayətkarların hesabına köçürülüb. Son nəticədə bankomatlar vasitəsilə nağdlaşdırılıb.
Dələduzları 2012-ci il mart ayında “Group IB” mütəxəssislərini axtarışa cəlb edildikdən sonra tutmaq mümkün olmuşdur.
Mənbə: www.securitylab.ru
