“Suriya Elektron Ordusu” hakerləri bir neçə saatlıq facebook.com domenini ələ keçirə biliblər. Bu barədə SEO öz tvitter səhifələrində “Ad günün mübarək Mark! Facebook.com artıq bizimdir!” deyə qeyd ediblər. Eləcədə domenin whois informasiyasının şəklini xəbərə əlavə ediblər. “Ad günü” may ayında anadan olmuş Mark Sukerberqə deyil facebook şəbəkəsinin 10 illiyinə işarə edilir.
Əlavə olunmuş şəkildən görünür ki, SEO hakerləri domenin sahibinin mailinin əvəzinə syrian.es.sy@gmail.com haker qrupun maili yerləşdirilib. Bu məqalə yazılarkən facebook.com domeninə aid Whois bərpa edilib.
2013-cü ilin avqustunda SEO tərəfindənb analoji hücum Twitter sosial şəbəkəsinə qarşı törədilmişdir. O zaman twitter.com administrator maili sea@sea.sy maili ilə əvəz edilmişdir. Eyni metod ilə The New York Times və The Huffington Post UK qəzetlərinə məxsus domenlərdə də dəyişiklik olmuşdur.
Mətbuata, sosial şəbəkələrə, siyasətçilərin sosial şəbəkələrdəki hesablarına hücumları ilə məşhurlaşan “Suriya Elektron Ordusu” Suriya prezidenti Bəşər Əsədi dəstəkləyit. SEO qrupunun üzvləri bəyan edirlər ki, qərb mətbuatı Suriya qanuni hökümətinə yalan təbliöat aparır.
Mənbə: lenta.ru
