Saytın baş redaktoru Ruslan Bəşirli “Qafqazinfo”ya bildirib ki, hücum günün sonlarında baş verib: “Amma hücumun qarşısı alındı, sayt bərpa olundu. Amma hakerlər saytın foto-bazasını tamam dağıdıblar. İndi onun üzərində iş aparılır ki, bərpa etmək mümkündür, ya yox”.
Saytın direktoru Ruslan Bəşirli Bizimyol.info-ya bildirib ki, hücum nəticəsində serverdən saytın proqram faylları və foto bazası tamamilə silinib: “Proqram faylları dərhal bərpa edilsə də, foto bazasının bərpası müəyyən vaxt tələb edəcək. Vebmasterlərin bildirdiyinə görə, sabah gündüz saatlarınadək sayt tam bərpa olunacaq”.
Hücumun baş verməsi şəraitinə gəlincə, R.Bəşirli bildirib ki, çox güman saytın loqin detalları ofis kompüterlərinin lokal yaddaşına yol tapmış virus proqramı ilə ələ keçirilib: “Hostinq xidmət təchizatçımız ABŞ-ın HostGator-LaunchPad LLC. şirkətidir. Onlarla əlaqə saxlamışıq. Hücumun mənbəyi barədə detalları müəyyən etmək üçün lazımi tədbirlərin görüləcəyini və gün ərzində bizə ətraflı məlumat veriləcəyini bildiriblər”.
Mənbə: avropa.info
