Barama FinTech Hackathon 2017 Mobile App layihəsi AZERCELL və PAŞA Bank şirkətlərinin baş sponsorluğu, Barama İnnovasiya və Sahibkarlıq Mərkəzi və ADA Universiteti təşkilatçılığı ilə baş tutacaq mobil developerlərin 36 saat ərzində yatmadan fasiləsiz yeni mobil tətbiqetmə hazırlamasını özündə ehtiva edən yarışmadır. Bu layihəsinin əsas məqsədi ölkəmizdə informasiya texnologiyaları sahəsinə olan marağı artırmaq və bu sahədə olan istedadlı insanların bacarıqlarını göstərməsinə şərait yaratmaqdır. Bununla yanaşı keçirildiyi müddət ərzində müxtəlif proqramların və alətlərin yaradılması, bununla da proqramçıların öz aralarında rəqabət şəraitində biliklərini yoxlama və yeni biliklər qazanmalarına şərait yaratmaq da layihənin əsas məqsədlərindəndir. Barama İnnovasiya və Sahibkarlıq mərkəzi olaraq təşkil edəcəyimiz bu layihənin Azərbaycan gəncləri üçün məqsədyönlü olacağını düşünürük və bu cür layihələrin davamlı olacağına ümid edirik.
Tədbirdə iştirak üçün qeydiyyatdan keçmək lazımdır.
