Hal-hazırda dünyada 200 min kompüteri yoluxduran və 150 ölkəni əhatə edən WannaCry virusu Asiya ölkələrinədə gəlib çatmışdır.
Reuters agentliyinin verdiyi xəbərə görə, Çində nəhəng neft-qaz şirkəti PetroChina və bir sıra dövlət orqanları, o cümlədən polis və yol administrasiyası, məktəb və kolleclər WannaCry virusundan ziyan görmüşlər.
Cənubi Koreya hakimiyyəti 9 sayda yoluxm barədə xəbər versədə ətraflı informasiya verməmişdir. Tayvan hökuməti təhlükəsizlik yeniləmələrini operativ sürətdə həyata keçirdiyindən geniş miqyaslı yoluxmanın qarşısını vaxtında ala bilmişdir. Avstraliyada 3 şirkət virusdan əziyyət çəkmişdir. Yoluxma barədə Yeni Zelandiyadan hec bir xəbər verilməmişdir. Fransada kiberhücum nəticəsində Renault avtomobil zavodu ziyan görsədə, şirkətin nümayəndəsi artıq bütün zavodların adi iş rejimində işlədiyini bildirmişdir.
İstirahət günləri WannaCry virusunun yayılması dayansada, təhlükəsizlik üzrə mütəxəssislər bunun qısa müddətli istirahət olacağını düşünürlər. Bu vaxt ərzində cinayətkarlar WannaCry virusunun yeni versiyasını yarada bilərlər. Məsələn, Network Box şirkətinin mütəxəssisləri sındırılmış saytlarda yerləşdirilmiş ziyanverici keçidlər vasitəsilə sistemləri yoluxduran soxulcanın yeni növünü aşkarlamışlar. Şirkətin analitiki Maykl Gazeleyin sözlərinə gprə (Michael Gazeley), indi yoluxdurulmuş resursların dəqiq sayı barədə danışmaq hələ çox tezdir. O, əlavə etmişdir ki, kibrthücum nəticəsində bir neçə Asiya şirkəti ziyan görmüşdür. Ancaq mütəxəssis bu barədə geniş məlumat verməmişdir.
Qeyri kommersiya təşkiları U.S. Cyber Consequences Unit, WannaCry hücumu nəticəsində dəyən ziyan yüz miyonlarla ölçülsədə bu rəqəm milyardı keçməmişdir. Hücumdan ən çox ziyan görən köhnə sistem işlədən istifadəçilər və istehsalatda və tibb müəssisələrində istifadə edilən çətin yenilənən kompüterlər olmuşdur.
Microsoft şirkəti, keçən cümə günü bütün dəstəklənməyən Windows əməliyyat sistemləri üçün (Windows XP, Windows 8 və Windows Server 2003) vacib təhlükəsizlik yenilənməsini dərc etmişdir.
Mənbə: www.securitylab.ru
