Symantec şirkətinin mütəxəssisləri Google Play Store yerləşən HTML Source Code Viewer tətbiqinin bir ildən çox müddətdə istifadəçilərin media fayllarını oğurladığını aşkarlamışlar.
Sunuba Gaming tərəfindən hazırlanan HTML Source Code tətbiqi istifadəçilərə veb səhifənin kodu ilə işləməyə imkan yaradırdı. Tətbiq Google Play Store kataloqunun rəsmi statistikasına görə 1000-5000 dəfə istifadəçilər tərəfindən yüklənmişdir.
HTML Source Code Viewer ziyanverici tətbiqi istifadəçilərə məxsus /DCIM/Camera və /DCIM/100LGDSC folderlərini skan edərək orda olan video və foto fayllarını gizlicə oğurlamışdır.
“Symantec”in mütəxəssisləri iddia edir ki, oğurlanan informasiyalar avtomatik olaraq www.proqnoz.info saytının serverinə yüklənir. Mütəxəssislər bildirir ki, bu saytın serveri Azərbaycanda yerləşir.
Mənbə: symantec.com
