Ukrayna Seçki Komitəsinin saytı haker hücumuna məruz qalıb.
ANS PRESS-in məlumatına görə, bu barədə Komitənin Twitter səhifəsində xəbər verilir.
Bildirilir ki, sayt dağıdılıb və hazırda sayta girmək mümkün deyil. Saytda seçki ilə bağlı olan bütün məlumatlar silinib.
Qeyd edək ki, bu gün Ukrayna Ali Radasına növbədənkənar parlament seçkiləri keçirilib. Ukrayna qanunvericiliyinə əsasən, seçki məntəqələri yerli vaxtla 08:00-dan 20:00-dək fəaliyyə göstərib.
Seçkilərdə 29 siyasi partiya iştirak edib. Ali Radaya deputatların yarısı majoritar (213), yarısı isə proporsional (225) sistemlə seçiləcək. Ukrayna Mərkəzi Seçki Komitəsi 6 mindən çox deputatın namizədliyini təsdiqləyib.
Mənbə: anspress.com
