Microsoft şirkəti Windows 10 Technical Preview sistemini yükləmiş istifadəçilərin fərdi məlumatlarını toplayır. Bu barədə şirkətin rəsmi səhifəsində məlumat verilmişdir. Güman edilir ki, Windows 10 sistemində keyloqer proqramı quraşdırılmışdır və o proqram istifadəçilərin aktivliyi qeydiyyata alır.
Microsoft şirkətinin fikrinə görə, Windows Insider Program qoşulanlar və Windows 10 Technical Preview yükləyən istifadəçilər öz razılıqları əsasında rəylərini, statistikalarını şirkətin serverlərinə göndərməyə avtomatik razılıqlarını vermişlər. Bu rəylər və statistikalar əsasında əməliyyat sisteminin son versiyası yaradılacaqdır.
Şirkət fərdi məlumatların yığılmasını müxtəlif üsullarla həyata keçirir. Toplanmış fərdi məlumatlar platforma ilə əlaqələrin yaxşılaşdırılmasına xidmət edəcəkdir. Şirkətin rəsmi səhifəsində yerləşdirilən bəyənatdan belə məlum olur ki, Microsoft istifadəçi hesablarından adlar, elektron poçt ünvanları, istifadəçilərin maraq və istəkləri, telefon zəngləri və SMS-lər barədə informasiyaları toplayacaqdır. Güman etmək olar ki, xüsusi ötürücülər vasitəsilə texnoqiqant qurğular və istifadə edilən proqram təminatları barədə məlumatları götürərək analiz edəcəkdir.
Şirkət xəbərdarlıq edir ki, yığılmış mətnləri toplayaraq düzgün yazılış qaydalarını və avto doldurma funksiyalarının iş keyfiyyətini yüksəldəcəkdir.
Mənbə: windows.microsoft.com
