Azərbaycan istifadəçilərinin internet sürətindən şikayətlər çoxalmaqdadır. İnternetdən şikayətçilərinin modemlərini araşdırarkən DNS-lərin provayderə deyil başqa bir DNS-lə dəyişildiyinin şahidi olmuşuq. DNS ünvan adətən 146.185.220.85, 195.20.141.140 dəyişildiyindən ip ünvan barədə ətraflı məlumat toplamağa çalışdıq. ip-adress.com saytından bu iplər barədə verilən xəbərə görə ip üvnan barədə aşağıdakı məlumatlar verilir:
IP address: 146.185.220.85
Server Location: Saint Petersburg, Saint Petersburg City in Russian Federation
ISP: Petersburg Internet Network ltd.
Provider: MDS LTD.
IP address: 195.20.141.140
Server Location: Russia, Moscow, Semyonovskaya embankment, 2/1, building 1, office VII-1
ISP: Sigma LTD.
Provider: Sigma LTD.
Belə məlum olur ki, ip ünvan MDS LTD. adlı Rusiya provayderinə məxsusdur. Google axtarış sistemində 146.185.220.85 ünvanı barədə məlumat axtararkən çoxlu sayda insidentlərdə iştirak etdiyi məlum olur. Flash Player boşluğundan istifadə edərək istifadəçilərə playeri yeniləmək təklif edilir. Təklifi qəbul edən istifadəçilərə yalançı Flash Player yüklənir. Bu yükləmə vasitəsilə istifadəçinin kompüterinə daxil olan virus oradan modemə daxil olaraq modemdə dəyişikliklər edir. Modemdə olan düzgün DNS-lər yalançı DNS-lərlə əvəz edilir. Təbii ki, bundan sonra istifadəçilərin internet sürəti aşağı düşür və istifadəçilərin məlumatları hakerlər tərəfindən ələ keçirilir.
Bu tip DNS changer əməliyyatları barədə Kaspersky antivirus şirkətinin hesabatı mövcuddur.
İnternet sürəti dəyişən istifadəçilərdən dərhal modemə daxil olmaları və DNS-ləri yoxlamaqları məsləhət görülür. Antivirus proqramları olmadan kompüterlərdən internetə daxil olmamalarıdır.
