“Əl-Qaidə” və “İraq və Levanta islam dövləti” qruplaşmasının terroristləri ABŞ dövlətinə geniş miqyaslı kiberhücum hazırlayırlar. foxnews.com saytından verilən xəbərə görə terrorist təşkilatların rəhbərləri hakerlərin cəlb edilməsi prosesi ilə məşğuldurlar. Terroristlər “kiberxilafət” yaratmaq məqsədində olduqlarını və daim ABŞ dövlət və özəl struktularına kiberhücum təşkil etməyi qərara alıblar.
Yaxın Şərq mediastrukturu araşdırmalar institutunun icraçı direktoru Stiv Stalinski (Steve Stalinsky), ekstremistlərin böyük miqdarda vəsaitlər müqabilində şifrələmə və şəxsi proqram təminatı yaradaraq onun vasitəsilə kommunikasiyalarını qorumağa çalışdığını qeyd edir. Onlar ciddi olaraq ABŞ strukturlarına qarşı kiberhücum təşkil etmək fikrindədirlər və Ağ Ev islamçılarla daha ciddi kibermüharibəyə hazır olmalıdır.
Terrorçular sosial şəbəkələr vasitəsilə onlara uyğun namizədlər axtarırlar. Mütəxəssislərin sözlərinə görə cihad üçün ABŞ-ın dövlət agentlikləri, banklar, enerji və transport şirkətləri seçilib.
Hakerlərin yığımı ilə britaniyalı kibercinayətkar Abu Hüseyn Əl Britani (Abu Hussain Al Britani) (real adı – Hunaid Hüseyn) məşğul olur. 2013-cü ildə o, Suriyaya yollanaraq islamçı qruplaşmalardan birinə qoşulub. ABŞ kəşfiyyatına görə o, hakerləri cəlb etmə prosesinə başçılıq edir.
2012-ci ildə Əl Britani Böyük Britaniya baş naziri Toni Bleyirin Gmaildə olan şəxsi hesabını qırdığına görə 6 ay həbs olunmuşdur. ABŞ və Britaniya kəşfiyyatı ABŞ jurnalisti Ceyms Fouleyin ictimai qətlində şübhəli bilir.
Xatırladaq ki, keçən il Tunisdən olan hakerlər Pentaqonun və ABŞ Dövlət Departamentinin saytlarının qırılmasında çin hakerlərinin köməyindən istifadə etdiklərini təsdiqləmişdilər.
