Hücumun miqyasını genişləndirmək məqsədilə cinayətkarlar adi istifadəli UDP- trafiki əvəzinə NTP, DNS, SSDP və CHARGEN protkolundan istifadə ediblər.
DERP və ya DerpTrolling adlı haker qrupu, güclü DDoS – hücumları yaratmaq üçün yeni alət yaratmışdır. İnternet təhlükəsizliyi şirkəti Micron21 verdiyi xəbərə görə təhlükəsizlik hadisələri tarixində ilk dəfə haker qrupu bir neçə tip hücum təşkil etməyə müvəffəq olub.
Xəbər verilir ki, hücumun qurbanı Micron21 data mərkəzi olub. Hücuma mütəxəssislər CDRDoS – Combination Distributed Reflective Denial of Service (qarışıq paylanmış xidmətdən imtina) adı veriblər .
DDoS – hücumun özəlliyi ondan ibarətdir ki, adi istifadəli UDP – trafik əvəzinə, cinayətkarlar NTP, DNS, SSDP və CHARGEN protokollarından istifadə edərək hücumu genişləndirə bilirlər. Micron21 şirkətindən verilən xəbərə görə, CDRDoS – hücum zamanı 40 Gbps gücə malik hücum təşkil edilib.
Qeyd edək ki, DDoS – hücum çox təhlükəlidir. Məsələn bu tip hücumların qurbanı bir zaman Spamhaus şirkəti olmuşdur.
Mütəxəssislər etiraf edir ki, hakerlər “super-alət” icad ediblər ki, bu alət onlara CDRDoS – hücum təşkil etməyə imkan verir. Onlar əmindir ki, yeni texnologiya “paylanmış xidmətdən imtina”-nın gələcəyi olacaqdır.
Mənbə: www.securitylab.ru
