25 yaşlı ingilis Filip Dənks (Philip Danks) qeyri leqal olaraq kinoteatrda filmi çəkərək internetdə yaydığına görə 33 ay həbs cəzası aldı.
Dənks “Forsaj 6” (“Fast & Furious 6”) filmini qeyri leqal əldə edib internetdə torrentə yerləşdirən ilk şəxsdir. Bundan sonra Filip, qürür hissi ilə bu faktı Facebook səhifəsində paylaşmışdır: “Yeddi milyard insan və mən ilkəm. F*** you Universal Pictures”.
Məhkəmə onun bu hərəkətlərini həbs ilə cəzalandırıb. Hakim “təkəbbürlü və lovğa davranışına” görə ittiham edib. Məhkəmədə təqsirləndirilən şəxs tamamilə peşman olmayıb və özünü təqsirli bilməyib.
Hadisə 2013-cü ilin may aylarında baş verib. Film torrentdə yerləşdirildikdən sonra 700 000 istifadəçi tərəfindən köçürülüb. Bundan əlavə məhkəmə Dənksin əlaltısı olmuş bacısını dostunada 120 saat ictimai işlərlə cəzalandırıb.
Universal Pictures nümayəndələri məhkəmədə bildirmişlər ki, Filip Dənksin qeyri leqal yolla filmi oğurlayaraq yayması kinostudiyaya 2,5 milyon funt sterlinq miqdarında ziyan vurmuşdur. İttiham olunan Dənks qeyri leqal olaraq filmi DVD disklərə köçürərək yarım funt qiymətə satmışdır. Dənks etiraf etmişdir ki, o bu yolla min funt sterlinq gəlir əldə etmişdir.
Mənbə: www.bbc.com
