Pony Reveton modulu vasitəsilə Bitcoin elektron valyutasını oğurlamaq asanlaşıb.
Reveton ziyanvericisi, özlüyündə pul qoparan virusdur (sistemlərdə qanunvericiliyin pozulduğu barədə xəbərdarlıq pəncərəsi çıxararaq qurbanlardan cərimə məbləğı ödəməsini tələb edir) və bu yaxınlarda parol oğurlamaq funksiyası ilə daha da gücləndirilib. Bu barədə Avast antivirus şirkətindən xəbər verirlər.
Qeyd edək ki, ilk dəfə Reveton ziyanvericisi barədə 2012-ci ilin avqust ayında Federal Araşdırmalar Bürosunun xəbərdarlığı nəticəsində məlumat verilmişdir. Bu xəbərdarlıq Internet Crime Complaint Center çoxlu sayda daxil olan şikayətlər nəticəsində yaranmışdır.
Reveton virusuna yoluxma hakerlər tərəfindən məzmunu dəyişmiş veb səhifələrə daxil olmadan sonra yaranır. Virusa yoluxmuş sistemdə fərdi kompüterə daxil olma bloklanır və blokun açılması üçün istifadəçidən bir neçə yüz ABŞ dolları tələb edilir.
Maraqlıdır ki, Avast şirkəti tərəfindən ziyanvericinin dəyişilmiş məzmunu araşdırılarkən yeni funksiyaların əlavə edildiyi məlum olmuşdur. Yeni əlavə edilmiş funksiyaların köməyi ilə cinayətkarlar parolları, Pony Reveton modulu vasitəsilə isə Bitcoin elektron valyutanı oğurlaya bilirlər.
Avast antivirus şirkətinin hesabatı ilə buradan tanış ola bilərsiniz.
Mənbə: www.securitylab.ru
