Rəsmi Pekin etibarlı antivirus proqram təminatı siyahısından Symantec və Kaspersky şirkətlərini silmişdir. Yerli mətbuatın yazdığına görə hakimiyyət öz vətəndaşlarının xarci texnologiyalardan istifadəsini məhdudlaşdırmağa çalışır.
Reuters, Çin People’s Daily agentliyinə istinadən xəbər verir ki, hər iki şirkət təhlükəsizlik üzrə proqram təminatı siyahısından da çıxarılıb.
Məlum olmuşdur ki, siyahıda ancaq Çin ərazisində yerləşən 5 antivirus şirkəti: Qihoo 360 Technology Co, Venustech, CAJinchen, Beijing Jiangmin və Rising vardır.
Symantec şirkətin nümayəndələri bu xəbərə heç bir reaksiya verməmişlər. Kasperski Laboratoriyasının mətbuat katibi Aleksandro Aranqo (Alejandro Arango) bəyan etmişdr ki, hal-hazırda şirkət Çin dövləti ilə danışıqlar aparsada, danışıqların detalları barədə mətbuata xəbər vermək hələ tezdir.
Mənbə: www.securitylab.ru
