Rusiyalı haker qrupu məşhur xəbər saytı CNET -ə kiberhücum təşkil edərək, istifadəçilərə məxsus fərdi məlumatları o cümlədən şifrələnmiş parolları və elektron ünvanları ələ keçirə bilib. CNET nümayəndələrinin sözlərinə görə cinayətkar qruplaşma özlərini “w0rm” adlandırır və CNET inzibatçıları ilə Twitter mikrobloqu vasitəsilə əlaqə qururlar. Kiberhücum nəticəsində bir milyondan çox şəxs qurbana çevrilmişdir.
Saytın rəhbərliyi problemin dərhal aşkarlandığını və aradan qaldırıldığı barədə informasiya yaymışdır. CNEt-dən verilən xəbərə görə haker qruplaşması bazanı 1 bitkoinə və ya 622 ABŞ dollarına satmaq fkrindədir. Güman edilir ki, CNET bazası böyük əhəmiyyət kəsb etmədiyindən haker qruplaşması bu hücum nəticəsində məşhurlaşmaq fikrində olub.
Hakerlər öz növbəsində CNET proram təminatındakı boşluğu göstərmək fikrində olduqlarını söyləyirlər.
Kibercinayətkarların hücumlarda iştirak etməsi ilk hal deyil. Bu yaxınlarda “w0rm” BBC, Adobe və Bank of America kiberhücum təşkil etməsi barədə xəbərlər internetdə dolaşmaqdadır. Məşhur saytlara edilən kiberhücumlardan sonra, hakerlər öz hərəkətlərini diqqətin proqram təminatında baş vermiş boşluqlara və təhlükəsizlik məsələrinə nail olmaq istəyirlər.
Mənbə: www.securitylab.ru
