26 yaşında intihar edən “Reddit” və “RSS” yaradıcılarından olan haker Aaron Svartzın həyat hekayəsi sənədli film oldu.
Musavat.com xəbər verir ki, 3 yaşında olarkən “ArsDigita” mükafatına layiq görülən Svartz, hələ 14 yaşında ikən “RSS” deyilən internet təminatı formatlarını reallaşdıran qrupda yer alıb. 15 yaşında isə “IEEE Intelligent Systems” jurnalında bir məqalə nəşr edib. Stanford Universitetindəki sosiologiya təhsilinə 1-ci kursdan sonra davam etməyib.
İnternetdə məlumat azadlığı ilə sərbəst girişi müdafiə edən və senzuranın qaldırılmasına istiqamətli hərəkətləri ilə tanınan Aaron Svartz, 2009-cu ildə Amerikanın federal məhkəmələrinə aid “PACER” bazasında olan və pul qarşılığı satılan təxminən 18 milyon sənədi və 2011-ci ildə “JSTOR”dan 4 milyona yaxın məqaləni kompüterinə yükləyərək hər kəsə yayımlayıb. Buna görə, “məlumat quldurluğu” və “qeyri-qanuni fayl yükləmə” kimi ağır cinayətlərdən haqqında 13 dəfə məhkəmə iddiası açılmışdı.
Dünyanın qabaqda gələn ictimai paylaşma saytlarından “Reddit”in qurucularından olan Svartz, Brooklin, Nyu Yorkdakı evində 11 Yanvar 2013 özünü asaraq 26 yaşında həyatına son verib. Ölümündən əvvəl, 1 milyon dollar pul və 35 il həbs cəzasına alacağı gözlənilirdi . Cənazə mərasimi 15 Yanvar 2013-cü ildə Çikaqodakı Central Avenue Sinaqoqunda reallaşdı.
Məhəmməd TÜRKMƏN
Mənbə: musavat.com
