Hakerlər Belçika və Fransada Domino’s Pizza müştərilərinə məxsus 600 min fərdi məlumatı ələ keçirə bilmişlər. Bu barədə şirkət The Telegraph qəzetinə xəbər vermişdir. Rex Mundi haker qruplaşması Twitter mikrobloqlarında şirkətin onlara 30 min evro ödəməyəcəyi barədə oğurladıqları fərdi məlumatları internetdə yayacaqları barədə hədələyirlər.
Şirkətin nümayəndəsi Kris Brendon (Chris Brandon) Reuters agentliyinə bildirmişdir ki, fərdi məlumatlar, müştərilərin adı, ünvanı, telefon nömrələri və parolları müştərilərə onlayn xidmət göstərən Domino’s Pizza serverlərdən oğurlanıb. Ancaq Kris Brendon istifadəçi parollarının şifrəli olub olmaması barədə söz deməyib.
Hakerlər müştərilərin sevimli pitsaları barədə məlumatları internetdə dərc edəcəkləri barədə bəyanat vermişlər. Hal-hazırda Rex Mundi Twitter mikrobloqu dayandırılmışdır.
Brendon Domino’s Pizza şirkətinin hakerlərə pul ödəməyəcəyini bildirmişdir. Şirkətin kommunikasiya üzrə vitse-prezidenti Tim Makintayr (Tim McIntyre) maliyyə məlumatlarının hakerlərin əlinə keçmədiyini bəyan etmişdir.
Domino’s Pizza şirkətinin dünyada 11 min filialı vardır, 229—u Fransada, 24-ü Belçikada, beş mini isə ABŞ-da yerləşir. Rusiyada şirkətin 15 restoranı vardır. 1998-ci ildən 2008-ci ilədək şirkət “Simpsonlar” multserialını maliyyələşdirmişdir.
Mənbə: lenta.ru
