ABŞ rəsmi olaraq Çin ordusunu sənaye kiber casusluğunda ittiham edir. Çin Xalq Respublikasının beş zabitinə amerika kompüterlərinə müdaxilə və ticarət sirrlərinin oğurluğu ittihamı irəli sürülüb.
Bu ABŞ hakimiyyətinin ÇXR tərəfindən haker metodları ilə kəşfiyyat fəaliyyətinə edilən ən sərt ittihamdır. Reuters agentliyi xarici dövlətin konkret vəzifəli şəxslərinə qarşı ilk dəfə olaraq kiber casusluqda ittiham edildiyini qeyd edir.
“Xarici dövlət hərbi və ya kəşfiyyat alətləri ilə ABŞ vəzifəli şəxslərinə və ya şirkətlərinə qarşı istifadə edərək, kommersiya sirrlərini və ya biznes informasiyaları öz dövlətlərinin marağı uğrunda ələ keçirməyə çalışarsa, biz onlara “bəsdir” söyləməliyik”, – ABŞ Baş prokuroru Erik Holder mətbuat konfransında demişdir.
Çin hakerlərin maraq dairəsinə, Pitsburq şəhərində yerləşən atom, metallurgiya, günəş enerjisi korporasiyaları düşmüşdür. Konkret olaraq, söhbət Alcoa Inc., Allegheny Technologies Inc., United States Steel Corp., Westinghouse Electric Co., SolarWorld AG korporasiyalarından və eləcədə poladəritmə şirkətinin həmkarlar komitəsindən gedir.
ABŞ şirkətləri çoxdan hökümətdən onları xarici kiber casuslardan (əsas olaraq Çindən) müdafiə etməyə çağırırlar. ABŞ dövlət departamentinin WikiLeaks tərəfindən alınan gizli dosyelərində Çin Xalq Azadlıq ordusunun konkret bölmələrinin kiber casusluqla məşğul olduğu haqqında materiallar var.
Rəsmi Pekin ittihamı təkzib edərək, bu tip hərəkətlərin iki ölkə arasındakı etibara ziyan vurduğunu söyləyir. ÇXR XİN bəyan etmişdir ki, internet üzrə çin-amerka işçi qrupunun fəaliyyətini dayandırır.
Skeptiklər qeyd edir ki, ABŞ ittiham olunan çinliləri həbs edə bilməyəcək, çünki Pekin onları təslim etməyəcək. Ancaq ittiham olunanlar ABŞ və ABŞ-la ekstradisiya müqaviləsi olan digər ölkələrə səyahət edə bilməyəcəklər. Ekspertlərin rəyinə görə, hakerlər ordudan tərxis olunduqdan sonra Çinin özəl sektorunda iş tapmaq problemi ilə üzləşəcəklər. ABŞ hakerləri işə götürən Çin şirkətlərini mənfi qiymətləndirəcəkdir.
Ağ Ev mətbuat katibi Cey Karni ilk kommentrasiyalarla çıxış edərək, Vaşinqtonun Pekinlə gələcəkdə kibertəhlükəsizliyin pozulmaması üçün əməkdaşlıq etməsi vacibdir.
Mənbə: lenta.ru
