ABŞ, Şərqi Avropa və Çilidə 80 nəfər kompüter virusları yaymaqla yüz minlərlə istifadəçinin kompüterini yoluxdurmaqda şübhəli olaraq saxlanılıblar. Xəbər verirlir ki, çoxlu sayda silah və narkotik, eləcədə nağd pul müsadirə edilib.
Geniş miqyaslı polis əməliyyatı iki gün ərzində 16 dövlətdə davam edir, “BlackShades” proqramının yaradıcıları, istifadəçiləri və satıcılarına qarşı təşkil edilib. Federal Təhqiqatlar Bürosundan verilən xəbərə görə bu proqram 100-dən çox ölkədə istifadə edilərək 500 mindən çox kompüteri virusa yoluxdura bilib. Bu proqram vasitəsilə digər şəxslərin kompüterini nəzarət altında saxlamaq mümkündür. Araşdırma nəticəsində internetdə 1900 domen adı zəbt edilmişdir ki, bu domen adları vasitəsilə qurbanların kompüterlərini və “BlackShades” serverinində axtarış işləri aparmağa yardım etmişdir.
İttiham edilənlərdən 5 nəfəri ABŞ vətəndaşıdır. Məhkəmə sənədlərinə əsasən onlardan biri Aleks Yusel “BlackShades” təşkilatının sahibi və “marjinz” niki ilə idarəedicisidir. Yusel təşkilatdan öz biznes məqsədləri üçün istifadə etmişdir. Onun təşkilatında marketinq müdiri, veb sayt yaradıcısı, müştəriləri idarə edən menecer işləmişdir.
Bundan əlavə Hollandiyada 18 yaşlı kişi 2000 kompüteri ziyanverciri proqramla yoluxdurmaq ittihamı ilə saxlanılmışdır. O, bu proqram təminatının köməyi ilə, qurbana çevrilmiş kompüterlərin kamerası vasitəsilə qadın və qızların şəklini çəkirmiş.
Ziyanverici proqram dünyada min nəfərə qədər şəxsə satılıb. Ən geniş yayılmış versiyası “BlackShades RAT” adlanır. Bu proqram təminatı vasitəsilə digər kompüterlərə kənar müdaxilə etmək mümkündür. “BlackShades RAT” yaradıcılarından biri ziyanverici proqramın bir nüsxəsini gizli agentə satdıqdan sonra Federal Təhqiqatlar Bürosu ilə əməkdaşlığa razılıq vermişdir.
Mənbə: www.svoboda.org
