Dünya ödəniş sisteminə edilən hücum nəicəsində 950 min kartın və 100 milyonlarla dolların oğurlanması ilə nəticələnib.
Rusiya vətəndaşı Vladimir Drinkman (Vladimir Drinkman) rusiyalı hakerlər qrupu ilə əlbir olaraq, nəhəng ABŞ və dünya korparasiyalarına hücumda və 160 milyon kredit və debet kartlarının oğurlanmasında ittiham edilir.
Cinayətkar qrupun qeyri qanuni əməlləri 7 il davam edib. 28 iyun 2012-ci ildə cinayətkar həbs edilərək Hollandiyada polis nəzarətində saxlanılır. Hal-hazırda ABŞ və Rusiya cinayətkarı onların ölkəsinə təslim edilməsini tələb eir. Öz növbəsində Rotterdam məhkəməsi eyni zamanda ABŞ və Rusiya tərəfinin hakeri tələb etməsini mümkün sayır. Bloomberg xəbər agentliyinin yaydığı xəbərə görə, haker ən böyük fərdi məlumatlar bazasını ələ keçirməkdə ittiham edilir.
Rusiya dövlətinin hakeri tələb etməsi anlaşılmazdır. Məhkəmə qərara almışdır ki, ədliyyə nazirliyi cinayətkar Drinkmanı hansı ölkəyə ekstradisiya edəcəyini özü seçməlidir. Müstəntiqlər tərəfindən ittiham edilənlərin ilk növbədə dünya şəbəkəsində 2007-ci ildə qeyri qanuni girişlər etməsi təsdiqlənmişdir. İlk insident ABŞ-ın Nyu Cersi ştatında qeydə alınmışdır. Haker qrupu şəbəkədə “ələ keçirən” qurğu quraşdıraraq avtomatik olaraq onlarla kredit kart məlumatlarını ələ keçiriblər. Oğurlanmış məlumatları onlar öz vasitəçilərinə satmış, vasitəçilər internet faorumları vasitəsilə öz növbəsində həmin məlumatları şəxslərə və təşkilatlara satmışlar.
Hakerlər qrupu 4 rusiya və 1 ukrayna vətəndaşından ibarət olub: Vladimir Drinkman (Vladimir Drinkman), Aleksandr Kalinin (Aleksander Kalinin), Roman Kotov (Roman Kotov), Dmitriy Smilyanets (Dmitriy Smilianets) və ukraynalı Mixail Ritikov (Mikhail Rytikov).
Mənbə: www.securitylab.ru
