Bakcell şirkəti bakcell.az domeni ilə bağlı yaxınlarda gərəkli addımlar atılacağını söyləyir.
Qeyd edək ki, istifadəçilər bakcell.az ünvanına müraciət edərkən onlar Azercell Telecom (www.azercell.com) şirkətinin səhifəsinə yönəldilirlər. Rəsmi olaraq Bakcell səhifəsi www.bakcell.com ünvanında yerləşir. Şirkətdən xəbər verirlər ki, Bakcell brend adıdır onun başqa şəxslər tərəfindən istifadə edilməsi qanuna ziddir. Məlum olmuşdur ki, bakcell.az domeni Bərdə şəhər sakini Qalib Çingiz oğlu Musayev tərəfindən alınmışdır. ” bakcell.az – səhifəsi mənə məxsusdur və onun Azercell səhifəsinə yönəldilməsi təşəbbüs mən tərəfindən edilib.” – Musayev bu barədə 1news.az müxbirinə söyləyib. Onun sözlərinə görə səhifə çoxdan mövcuddur. “Mən resursu Bakcell şirkətinə satmaq istədim amma onlar imtina etdilər. Bakcell.az səhifəsinə çox adam daxil olur amma Bakcell şirkəti resursu məndən almaq istəmir”, – Q.Musayev söyləmişdir. Eləcədə o resursu 15 min AZN-ə satmaq istədiyini bildirib. “Bu minimal məbləğdir mən qiyməti artıracağam. Mənə fərqi yoxdur resursu kim alacaq – Bakcell və ya Azercell”, – Musayev əlavə etmişdir. Öz növbəsində Azercell Telecom şirkəti, bildirmişdir ki, Bakcell.az fiziki şəxs Qalib Musayevə məxsusdur və Azercell şirkətinin rəsmi səhifəsinə yönəldilib. “Biz bu sualla bağlı heç bir infosmasiyaya malik deyilik və yönləndirmə prosesində bizim heç bir rolumuz yoxdur.”, – Azercell şirkəti söyləmişdir.
Alena Salayeva
Mənbə: www.1news.az
