Xatırlatmaq istəyirik ki, 7 aprel 2013-cü il tarixində Anonymous qruplaşmasının başladığı #OpIsrael beynəlxalq hücumu zamanı İsraili internetdən silmək nəzərdə tutulurdu. Lakin o zaman Anonymous qruplaşmasının hücumu uğurlu alınmamış rəsmi mənbələrdən bu hücumun İsrail dövlət saytlarına ciddi təsir etməməsi barədə bəyənatlar yayılmışdır.
Hadisələrdən bir il keçəndən sonra Israeli Elite Force haker qruplaşması Anonymousçulara məxsus fərdi məlumatları eləcədə onların kompüterlərinin vebkamerasını istifadə edərək əldə edilən şəkilləri internetdə paylaşmışlar. Paylaşılan məlumatlardan aydın olur ki, 16 Anonymous qruplaşmasının üzvünün maskası cırılmışdır.
Israeli Elite Force haker qruplaşmasının üzvü Buddhax Anonymousçuları ələ salaraq, onları xırda saytlara hücum etməkdə ittiham edir və özünü onlardan güclü haker hesab edir.
Digər mənbələrdə deyilir ki, Anonymous hakerləri İsrailə hücum edərkən, Buddhax onların IP ünvanlarını əldə edərək hakerlərə məxsus 16 kompüterə daxil olub. Hakerlərə məxsus notbukların kameralarını işə salaraq şəkillərini çəkə bilib. Kompüterlərdə olan fərdi məlumatlar Buddhax ləqəbli hakerin əlinə keçib.
