ABŞ Milli Təhlükəsizlik Agentliyi OpenSSL şifrələmə protokolundakı Heartbleed kritik boşluğundan fərdi məlumatların toplanması üçün istifadə edib. Bu boşluq sayəsində xüsusi xidmət orqanlarının əməkdaşları internet istifadəçilərin fərdi məlumatlarını o cümlədən parolları ələ keçirə biliblər, məlumatı Bloomberg xəbər yaymışdır.
Milli Təhlükəsizlik Agentliyi 11 aprel tarixində verilən xəbəri təkzib edərək söyləmişdir, “MTA və ya digər dövlət qurumlarının Heartbleed boşluğu haqqında 2014-cü ilə qədər xəbərləri olduğu səhvdir”, — bu barədə milli kəşfiyyatın direktoru demişdir.
OpenSSL şifrələməsində boşluq təxminən bir həftə əvvəl aşkarlanmışdır. İki il ərzində istifadəçilərin fərdi məlumatları, parolları, bank kartları barədə informasiyalar təhlükə altında olmuşdur. OpenSSL protokolundan informasiyanı mühafizə edən saytların yarıdan çoxu istifadə edir, o cümlədən mail sistemləri, onlayn ödəniş sistemləri, sosial şəbəkələr (Facebook və Twitter) və s. İki il ərzində istifadəçilərin özlərinin fərdi məlumatlarının mühafizə etməyə imkanları olmamışdır.
Milli Təhlükəsizlik Agentliyinin qlobal izləmə proqramı haqqında məlumatlar 2013-cü ildə Edvard Snoudenin sayəsində bütün dünyaya məlum olmuşdur. Terrorizmə qarşı mübarizə bəhanəsi ilə MTA amerikalıların və xaricilərin gündəlik olaraq 1,7 milyard yazışma və telefon söhbətlərini bir bazaya yığırmış. Nəzarət altında hətta bir sıra dövlət liderləridə məsələn Almaniya kansleri Anqela Merkel və Braziliya prezidenti Dilma Rusefində olduğu məlum olmuşdur.
Mənbə: lenta.ru
