Pakistan federal araşdırmalar agentliyi Warid Telecom şirkətinin şəbəkəsinə qeyri qanuni müdaxilə edərək şirkətin bazasını ələ keçirən hakeri həbs ediblər. Bundan əvvəl cinayətkar ələ keçirdiyi bazanı internetdə dərc etmişdir. Qeyd edək ki, Warid Telecom şirkəti Konqo, Pakistan və Uqanda dövlətlərində xidmət göstərir.
Pakistan federal araşdırmalar agentliyinin tərkibində olan kibertəhlükələrə qarşı milli mərkəzin nümayəndələri hakeri izləyərək həbs edə biliblər.
Oğurlanmış fərdi məlumatlar HosterPK hostinq şirkətinində yerləşən earlysms.com vebresursunda dərc edilmişdir. Araşdırmalar nəticəsində hüquq mühafizə orqanları cinayətkarın ip ünvanını, emailini və telefon nömrəsini tapa bilmişlər.
Cinayətkar həbs edildikdən sonra ona məxsus bütün kompüter texnikası ekspertiza üçün götürülüb. Xəbər yazılarkən earlysms.com vebresursu istifadəçilərin girişi üçün qapadılmışdı.
Mənbə: www.securitylab.ru
