Microsoft boşluğu aşkarladığına görə 5 yaşlı uşağa kompensasiya ödədi və Xbox Live üçün qoşulmağa illik abunəlik hədiyyə etdi.
5 yaşlı uşaq Microsoft – Xbox Live produksiyasında boşluq aşkarladı. San-Dieqo şəhərindən Kristofer fon Hassel (Kristoffer Von Hassel) atasına məxsus hesaba parolu bilməyərək daxil ola bilib.
Oğlan səhv parolu yazarkən Xbox Live hesabında yeni səhifə açılıb və parolu yenidən düzgün daxil etməyi tələb edib. Bir neçə dəfə parolu düzgün daxil etməyən Kristofer fon Hassel parol əvəzinə klaviaturadan boşluq işarəsini daxil edərək hesaba daxil oal bilib.
Microsoft mütəxəssisləri artıq boşluğu aradan qaldırmışlar. Kristofer fon Hassel şirkətin informasiya təhlükəsizliyi üzrə araşdırmaçılar siyahısına əlavə edilib.
Boşluq haqqında informasiyanı Mictosoft şirkətinə Kristofer fon Hasselin atası göndərib. Microsoft şirkətinin açıqlamasında deyilir: “Biz müştərilərimizə qulaq asırıq və bizim diqqətimizi bu tip problemlərə yönətldiklərinə görə təşəkkürümüzü bildiririk. Biz Xbox təhlükəsizliyinə böyük önəm veririk. Biz problem haqqında xəbər alan kimi onu aradan qaldırdıq”.
Microsoft uşağı $50 miqdarında mükafatlandırıq, 4 pulsuz oyun və illik Xbox Live abunə hədiyyə edib.
Mənbə: www.securitylab.ru
