Konqresin gedişində mütəxəssislər məsləhətləşmələr aparacaq eləcədə təşkilatlara kibercinayətkarlığa qarşı praktik həllər təklif edəcəklər.
20 mart tarixində, Londonda SC Congress öz işinə başlamışdır. Konqres bulud və mobil təhlükəsizlik, məxfiliyin qorunması, kibercinayətkarlıq və kibertəhdid və s. məsələlərə həsr olunub. Tədbir SC Magazine xəbərlər jurnalı tərəfindən təşkil olunub və informasiya təhlükəsizliyi üzrə professionallar üçün nəzərdə tutulub.
Qurultayın gedişində mütəxəssislər məsləhətləşmələr apracaq, eləcə də kiçik, nəhəng özəl və dövlət təşkilatlarına kibercinayətkarlığa qarşı praktik həllər təklif edəcəklər. Bu həllər təşkilatları kiberhücumlardan effektli müdafiə edərək onların nüfuzunu qoruyacaq. Tədbirdən sonra dünyanın qabaqcıl istehsalçılarına məxsus yeni təhlükəsizlik məhsullarının sərgisi keçiriləcək.
SC Congress bu ilki tədbirində Kent Universitetinin mərkəzi kibertəhlükəsizlik araşdırması üzrə rəhbəri Erke Boyten(Eerke Boiten), Cloud Security Alliance baş əməliyyatçı direktoru Con Hovie (John Howie), DMI təhlükəsizlik üzrə rəhbəri Rik Doten (Rick Doten), Norton Rose Fulbright təhlükəsizlik üzrə rəhbəri Paul Svarbrik (Paul Swarbrick), eləcə də High-Tech Bridge, Murex, LilyCo Limited və digər şirkətlərin mütəxəssisləri iştirak edəcəklər.
Mənbə: www.securitylab.ru
