Rusiya xəbərlər saytı lenta.ru oflayn rejimə düşərək istifadəçilər üçün bağlanmışdır. Xatırladırıq ki, bundan əvvəl saytın baş redaktoru Qalina Timçenko və eləcədə saytın 38 əməkdaşı işdən azad edilmişdi. Səbəb kimi “Roskomnadzor”-un saytı ekstremist xəbərlərin yayılmasında ittiham etməsidir. Bundan əvvəl saytda Ukrayna milli hərəkatı olan “Praviy sektor” Anrey Tarasenko ilə müsahibə dərc edilmiş və müsahibədə təşkilatın rəhbəri Dmitriy Yaroş barədə informasiya yerləşdirilmişdir. Saytın oflayn rejimə düşdüyü downforeveryoneorjustme.com tərəfindəndə təsdiq edilir. Resursun rəhbərliyi bu barədə heç bir informasiya yaymamışdır.
p.s. Bakı vaxtı ilə saat 12:11-də lenta.ru yenidən fəaliyyətə başladı. Saytda haker hücumuna məruz qaldıqları və 1 saat saytın işləmədiyi barədə informasiya yayımlanıb. tjournal.ru verilən xəbərə görə lenta.ru resursuna edilən DDoS hücumun məsuliyyətini Anonymous hərəkatı öz üzərinə götürüb.
