Məşhur domen reqistratoru və hostinq xidmətləri göstərən Namecheap gözlənilməz olaraq 300 DNS serverdən DDoS hücumuna məruz qalıb. Şirkətin rəhbəri Riçard Kirkendal (Richard Kirkendall), bu hücumun ən geniş və güclü olduğunu pik saatlarında 100 Gb/s çatdığını bildirmişdir.
Cinayətkarlar Namecheap şirkətinə 20 fevral tarixində hücuma keçmişlər. Baxmayaraq ki, hücum 3 saat çəkmişdir, şirkət DNS servislərini tam bərpa edənə kimi xeyli vaxt lazım olub.
“Bizim qlobal DNS platdorma 3 qitəni və 5 ölkəni əhatə edir, eləcədə çoxlu sayda müştəriyə DNS xidmətləri göstəririk. Bu platforma hər gün çox sayda DDoS hücumların qarşısını almaq gücündədir”, – Namecheap şirkətinin rəhbərliyi söyləmişdir.
Şirkətin rəhbəri Riçard Kirkendal və vitse-prezidenti Mat Rassel (Matt Russell) bildirirlər ki, gələcəkdə bu tip hücumlardan qorunmaq üçün DNS infrastrukturunu modernləşdirmə proqramını həyata keçirəcəklər.
Qeyd etmək yerinə düşər ki, bu təhlükəsizlik insidenti keçən il Spamhaus (300 Gb/s) və ya CloudFlare (400 Gb/s) olan hücumlara görə elə də genişmiqyaslı hücum sayılmamalıdır.
Güman edirlik ki, cinayətkarlar NTP serverlərdəki, boşluqlardan istifadə edərək sorğuların sayını süni olaraq çoxalda biliblər.
Mənbə: securitylab.ru
