Hakerlər öz layihələri üçün vəsait toplamaq üçün müəlliflərə kömək edən Kickstarter veb resursuna hücum ediblər. Bu barədə adminlər 16 Fevral korporativ bloqda məlumat yaymışlar.
Məlumatda deyilir ki, hüquq mühafizə orqanları cümə axşamı gecə xəbərdar olunublar. Resursun inzibatçəları təkrar hücumun qarşısını almaq üçün tədbirlər həyata keçirib, təhlükəsizlik qaydalarını gücləndiriblər.
İcazəsiz daxil olma zamanı müəlliflərin bankomat kartlarını ələ keçirmək mümkün olmayıb, bu barədə Kickstarter resursunun bloqunda qeyd edilir. Hakerlər istifadəçi adları, elektron və fiziki ünvanlar, telefon nömrələri və parolların şifrələnmiş formalarına giriş əldə ediblər. Parollar şifrələnmiş olsada, kifayət qədər biliyə malik olan dələduzun onları oxuya biləcəyi şübhə doğurmur.
Hücumla əlaqədar olaraq Kickstarter istifadəçilərinə parolları dəyişməyi məsləhət görür.
Məlumatda inzibatçıların istifadəçilərdən üzr istədiyi və bu cür halların gələcəkdə təkrarlanmaması üçün əllərindən gələnləri etdikləri vurğulanır.
Xatırladırıq ki, Kickstarter 2009-cu ildə fəaliyyətdərir. 2013-cu ildə istifadəçilərin sayı 3 milyon, ümumi toplanılmış məbləğ 480 milyon ABŞ dolları təşkil edib. Həmin il müəlliflər 19,9 min layihə üçün maliyyə vəsaiti toplaya biliblər.
Mənbə: lenta.ru
