Rusiya Federasiyası Daxili İşlər Nazirliyinin vebsəhifəsində verilmiş məlumata görə Rusiya banklarından 70 milyon rubl oğurlayan cinayətkar dəstə yaxalanmışdır.
Səhifədə yerləşdirilən məlumatlara görə Moskva, Sankt-Peterburq, Krasnodar və Kaluj bölgələrində istintaq hərəkətləri aparılmışdır. 5 nəfərdən ibarət dəstə o cümlədən Rostov bölgəsində bank əməkdaşı istintaq nəticəsində saxlanışmışdır.
Dəstə üzvləri Rusiya Federesiyasının müxtəlif banklarında yerləşdirilmiş böyük miqdarda əmanətlər haqqında informasiya əldə edərək həmin əmanətləri nağdlaşdıra bilmişlər. Onlar əmanətçilərin adına yüksək keyfiyyətli saxta pasportları xaricdə sifariş edərək, bankların filiallarında həmin pasport əsasında hesab açaraq, əmanətləri həmin hesaba köçürərək oğurlamışlar.
Dəstənin üzvlərinə dələduzluq maddəsi ilə cinayət işi açılmışdır.
Mənbə: securitylab.ru
