ABŞ-da 4 rus – Vladimyir Drinkman, Aleksandr Kalinin, Roman Kotov, Dmitriy Smilyanes və eləcədə Ukrayna vətəndaşı Mixail Rıtikova kütləvi kompüter hücumları iddiası ilə ittiham irəli sürülüb. Prokurorun sözlərinə görə ABŞ tarixində ən böyük kompüter fırıldağının üstü açılmışdır. 7 il ərzində hakerlər 160 milyon kredt kartı məlumatları ələ keçirib satmışlar. Ümumi dəyən ziyan 100 milyon dollarlarla ölçülür. İstintaqın verdiyi məlumatlara əsasən Drinkman və Kalinin bazalara və qorunan şəbəkələrə qanunsuz müdaxilə ilə məşğul olmuşlar. Kotov oğurlanan məlumatların saxlanılması və mühafizəsi ilə, Rıtikov izləri itirməklə, Smilyanes isə əldə edilmiş məlumatları digər şəxslərə satmaqla məşğul olub. Fırıldaqçıların əməllərindən ziyan çəkən şirkətlər arasında NASDAQ amerika elektron birjası, yapon-amerikan ticarət şəbəkəsi 7-Eleven Inc, fransız supermarketlər şəbəkəsi Carrefour və başqa nəhəng təşkilatlar olmuşdur. Serverlərə müdaxilə dünyanın bir çox ölkələrində baş vermişdir ki, bunlardan ABŞ, Latviya, Hollandiya, Baham adaları, Ukrayna, Panama və Almaniyanı göstərmək olar. İttihamın sübutlarına aid materiallar 2010-cu ildə 20 illik həbs cəzası almış Albert Qonzalesin cinayətin işində geniş yer alıb. Rusiyalı hekerlərin işində Qonzalesin adı ortaq qismində çəkilsədə ona hələ ittiham təqdim edilməyib.
Mənbə: lenta.ru
