Drupal.org saytının təhlükəsizlik xidməti, Drupal.org və groups.drupal.org istifadəçi bazalarına kənar müdaxilə olunduğunu aşkarlamışdır. association.drupal.org səhifəsinə yüklənmiş proqram boşluğundan istifadə edərək sistemə giriş əldə edilmişdir. Əsas problem ondan ibarətdir ki, hakerlərin əlinə istifadəçi login, email, hansı ölkədə yaşadıqları barədə informasiya keçmişdir. Xatırladırıq ki, Drupal.org istifadəçi şifrələrini xeş formada saxladığından hakerlər həmin şifrələri dərhal açmaq imkanına malik deyillər. Hər ehtimala qarşı istifadəçilərdən şifrələri dəyişmək xahiş olunur.
