Yerevan məhkəməsi 27 yaşlı Georgi Avanesovun 4 il müddətinə azadlıqdan məhrum edilməsi barədə qərar çıxarıb. Bu haqda Ermənistan Baş Prokurorluğu mətbuat xidməti məlumat verib.
İnterpol tərəfindən barəsində axtarışı elan edilmiş Rusiya vətəndaşı Georgi Avanesov 26 oktyabr 2010-cu ildə Yerevan beynəlxalq “Zvartnots” hava limanında yaxalanıb.
O, Niderland Cinayət Məcəlləsi üzrə, ələlxüsus, mütəşəkkil cinayətkar qruplaşma üzvü olmaqda və kiber-cinayətlər törətməkdə ittiham olunur. Avanesov “Bredolab” adlı haker virtual şəbəkəsi (botnet) yaradıb, bütün dünya üzrə 30 milyon kompüteri virusla yoluxdurub, istifadəçilərin məlumat bazalarına daxil olub, o cümlədən maliyyə məlumatlarına yol tapıb.
Botnet şəbəkəsi isitifadəçilərin kompüterlərini gizli proqramlarla (botlarla) yoluxduraraq, fiziki və hüquqi şəxslərin saytları və IP ünvanlarına Ddos hücumu etmək imkanı verir.
Botneti idarə etmək üçün LeaseWeb Hollandiya provayderinə məxsus olan 143 serverdən istifadə olunub. LeaseWeb öz serverlərində zərərverici fəallıq müşahidə olunduğunu 2010-cu ildə aşkar edib. Lakin polis botnetin rəhbərlərini müəyyən etmək məqsədilə avadanlığı dayındarmağa icazə verməyib.
Bir ay ərzində Bredolab 3 milyonadək kompüteri yoluxdurub və ziyanverici ataçmentlə 3,6 milyard elektron məktub yayıb. Məktublarda hər hansı bir məhşur şəxsin ölümü haqqında məlumat verilir və məktuba əlavə edilmiş faylı açmaq təkli olunurmuş. Faylı açdıqdan sonra kompüterə virus düşür. Bu Bredolab operatorlarına yoluxmuş kompüterlərə məsafədən idarə etməyə imkan verirdi.
Avanesov Ermənistan Cinayət Məcəlləsinin 253-cü maddəsinin 3-cü bəndi üzrə (kompüter sisteminə icazəsiz müdaxiləyə görə ehtiyatsızlıqdan ağır nəticələrə gətirmiş kompüter sabotajı) 4 il müddətinə məhkum olunub.
Ermənistan Milli Məclisinin “Ermənistan Respublikasının müstəqilliyinin elan olunmasının 20 illiyi münasibətilə amnistiya elan edilməsi haqqında” 20 may 2011-ci il tarixli qərarı əsas tutularaq məhkəmə Georgi Avanesova qarşı cinayət işinə xitam verib.
Mənbə: bbc.co.uk
